Како се прави ДУПЛО Макијато со Визуелен Украс - ТРИ ЛИСТА! (ВИДЕО)

Правењето на макијато или друг напиток од кафе, може да претставува вистинска уметност и покрај одличниот вкус да пружи исто така и визуелно уживање. Погледајте во видеото како еден експерт за кафе од кафуле во југо-западен Лондон, подготвува дупло макијато и како го украсува со форми на три листа, вистинско мајсторство!

Подготовка на дупло макијато

Првата работа што треба да се направи е дупла количина еспресо. Се става 14 грама кафе еспресо во филтерот од машината за кафе. Потоа се притиска кафето во филтерот, се чистат страните на филтерот од кафе и се притиска уште еднаш.
Потоа се прицврстува филтерот на машината за кафе. Се притиска копчето за дупло еспресо на машината и се става поголем тоест поширок филџан за дупло макијато.
Потоа се спрема млекото за макијато. Најнапред се испушта малку пареа од цевката за млеко. Потоа се става метална чаша за млеко под цевката за млеко и се полни со млечна крема за вашето макијато.

Визуелно украсување на дупло макијато

Откако е подготвена млечната крема, следува уметничкиот дел од работата, тоест со млечната крема да се направат интересни визуелни форми со коишто подготвеното макијато ќе изгледа естетски уште поубаво. Тоа е всушност многу едноставно, но може да ги импресионира луѓето. Се полни мала лажичка со млечна крема до врвот. Потоа капнувате од млечната крема три пати во вашето  еспресо што претходно го подготвивте. Обидете се капките од млечна крема што ги ставате во еспресо, да не бидат преголеми ниту да бидат премногу блиску една до друга. Потоа со тенок куински клин правите кружно движење низ трите капки млечна крема. Со тоа, вашето дупло макијато е спремно за сервирање.