Како се прави ОВЕСНО МЛЕКО! (ВИДЕО)

Во ова видео можете да погледате како сами можете да направите овесно млеко како алтернатива за млеко од животинско потекло.

Потребни состојки

- овесни снегулки
- вода
- ванилин екстракт (по желба)
- стевиа (по желба)

Подготовка на овесно млеко

Овесните снегулки ги оставате преку ноќ во вода. На тој начин тие ќе бидат потполно омекнати.
Ја ставате смесата во блендер или миксате со рачен блендер додека овесните снегулки добро бидат уситнети.
Потоа ја цедите смесата со што поситна цедилка.
Оставате да се цеди самото во друг сад околу пет минути.
Цедењето го потпомагате со лажица.
Тоа што останува после цедењето, не фрлајте го, може да ви послужи како доручок или ужина во комбинација со некое овошје.
На добиеното овесно млеко додавате малку ванилин екстракт и пар капки стевиа, промешувате и вашето овесно млеко е направено!

Погледајте исто така како да направите ТОПЛА ЧОКОЛАДА со ЦИМЕТ!

Се надеваме дека ви се допадна вкусот на вашето овесно млеко!