Како се прави ДУПЛО Макијато со Визуелен Украс - ТРИ ЛИСТА! (ВИДЕО)

Правењето на макијато или друг напиток од кафе, може да претставува вистинска уметност и покрај одличниот вкус да пружи исто така и визуелно уживање. Погледајте во видеото како еден експерт за кафе од кафуле во југо-западен Лондон, подготвува дупло макијато и како го украсува со форми на три листа, вистинско мајсторство!

Подготовка на дупло макијато

Првата работа што треба да се направи е дупла количина еспресо. Се става 14 грама кафе еспресо во филтерот од машината за кафе. Потоа се притиска кафето во филтерот, се чистат страните на филтерот од кафе и се притиска уште еднаш.

Како да направите ЕКСТРА Макијато со СМАЈЛИ! (ВИДЕО)

Како што веќе знаете од претходните текстови и видеа, напитокот макијато е италијански изум којшто во основа се прави од еспресо со додавање на малку млечна крема. Макијато е исто така напиток којшто пружа можност за креативност и уметнички израз во подготовката и сервирањето на овој напиток. Погледајте воследното видео на кој начин, многу едноставно, можете да направите макијато со смајли.

Како што е вообичаено најнапред правите еспресо со специјален уред. Потоа го подготвувате млекото за макијато. Доволно е да ставите 2-3 лажички млечна крема во вашето еспресо. Потоа, со чепкалка правите смајли како што веќе видовте и вашето макијато со смајли е спремно за сервирање. 

Како да направите ЕКСТРА Макијато со ДВЕ СРЦИЊА! (ВИДЕО)

Како што веќе знаете, макијато е всушност напиток од кафе што се состои од еспресо со малку млечна крема. Во следното видео погледајте како да направите екстра добро макојато коешто освен што ќе има прекрасен вкус, ќе биде и естетски убаво со правење на две срциња.

Макијато обично се прави во малечка шоља како би можел да се почуствува во потполност неговиот кремаст вкус. Уживајте во вашиот напиток од кафе - макијато!

Како се чува ОТВОРЕНА флаша ВИНО! (ВИДЕО КВИЗ)

Честопати  се случува, откако ќе биде отворена флаша вино, целото вино да не биде испиено. Во такви ситуации, веројатно се прашувате како да се чува виното за да остане во добра состојба и да можете подоцна повторно да уживате во неговиот вкус. Тоа можете да го дознаете од следниот видео квиз.

Понудени ви се три опции како се чува отворена флаша вино:
а) да се обидете флашата да ја затворите со плутениот чеп со којшто флашата вино првично била затворена,
б) вакуум пумпа,
в) со ставање на лажица со рачката надолу во отворот на флашата.

Како да препознаете ДОБРО Еспресо, Макијато и Капучино! (ВИДЕО)

Многумина се љубители на различни напитоци од кафе, посебно во утринските часови. Некој преферира еспресо, друг макијато или капучино, напитоци коишто се во основа слични, а разликата е во некои нијанси. Веројатно сте пиеле напитоци од кафе на различни места и секаде не биле подготвени на истиот начин, односно имало разлика во изгледот и вкусот. Погледајте во следното видео, како да препознаеете добро еспресо, макијато и капучино.

Одлики на Добро ЕСПРЕСО

Добро подготвеното еспресо треба да има компактна крема со темна златно-жолта боја, без крупни меурчиња и бледи флеки. Штом ќе слегне, пената би требало да има дебелина од неколку милиметри и не би требало бргу да се разбива.

Вкусот треба да е избалансиран помеѓу слатко и кисело и долго да се задржува во устата. Текстурата на едно добо подготвено еспресо, треба да е глатка и кремаста.

Во КАКВА ЧАША се служи ЦРВЕНО ВИНО! (ВИДЕО)

Како што е  познато, постојат повеќе видови на вино, а основната поделба е на црвено вино, бело вино и розе. Исто така, постојат и различни чаши за вино. Понекогаш, може да дојдете во дилема, во каква чаша да послужите одредено вино. На пример, дали ви е познато, во каква чаша се служи црвено вино? Погледајте го следното видео каде што откако ќе се потсетите како се отвара флаша вино, во еден момент ќе се појават три винско чаши. Вие кликнете на онаа за којашто сметате дека е токму таа чаша во којашто се служи црвено вино. Веднаш потоа ќе дознаете дали вашиот избор бил точен.

Освен што треба да знаете во каква чаша се служи црвено вино, пожелно е да знаете и колку се полни винска чаша.

Како се ОТВАРА ФЛАША ВИНО и колку се ПОЛНИ ВИНСКА ЧАША! (ВИДЕО)

Да се отвори флаша вино понекогаш и не е така едноставна работа, посебно доколку немате доволно искуство во тоа. Исто така, можеби се прашувате колку треба да се наполни една винска чаша. Дознајте ги овие две работи во следното видео.

Се надеваме дека видеото ви помогна да дознаете како се отвара флаша вино и колку е правилно да се полни една винска чаша со вино. Сега можете слободно да одберете флаша вино по свој вкус и да уживате со најблиските во дегустирање на добро вино. Погледајте исто така како правилно се пие вино односно како се држи винска чаша. 

Еве како правилно се ПИЕ ВИНО и ДРЖИ ВИНСКА ЧАША! (ВИДЕО)

На прагот сме на зимата, период кога е посебно пријатно на оброкот да се додаде и чаша добро вино. Затоа е можеби добро време да дознаете некои мали тајни во врска со овој многу популарен напиток ширум светот. Виното е напиток којшто исто така има долга традиција и на нашите простори. Но, се поставува прашањето дали е доволно познато како всушност правилно се пие вино односно како се држи винска чаша. Проверете го тоа во следното видео.

Општа поделба на вината

Генерално, вината се делат на црвено, бело и розе.
Според количината на шеќер што го содржат во себе, вината се делат на суви, полусуви, полуслатки и слатки вина.

Како се држи винска чаша

Винска чаша правилно се држи за нејзината дршка, никако за балонот тоест главата на чашата, бидејќи така го сокриваме виното односно неговата убавина, го загреваме виното, оставаме на чашата отпечатоци од прсти што не е репрезентативно тоест не е убаво да се види.
Исто така, освен за дршката, есктески убаво е винска чаша да се држи за подножјето на чашата.

Што Барменот ви Нема Никогаш Кажано за Напитоци од Еспресо

Постојат десетици напитоци, коишто во својата основа имаат еспресо. Некои од овие опции може да се вкусат во повеќето кафулиња кај нас, а некои од нив се поврзани со одредени географски области. Исто така, постојат голем број на коктели кои содржат еспресо. Некои од најчестите пијалаци направени од еспресо: капучино, кафе лате, макијато, афогато, мокацино, еспресо со шлаг (еспресо кон панна) ристрето, допио, лунго, корето, американо ... Еве кратко објаснување за најчестите напитоци од еспресо.

Капучино

Капучино е кафе коешто во својата основа има еспресо. Се подготвува на тој начин што во еспресо се додава специјално подготвено млеко со микропена. Таквото млеко може да се направи само на еспресо машини каде што има посебна славина за испуштање на врел воздух директно во садот со млеко.

На овој начин, млекото се загрева со впумпување на топла пареа на температура од околу 70 степени Целзиусови, цело време водејќи сметка за микропената.Добро капучино се направи во следните пропорции: првата третина од едно капучино е всушност еспресо, потоа една третина млеко, и една третина е микропена којашто се прави на врвот со пумпање на врел воздух. 

Капучино што има на врвот со видлива пена со меурчиња од воздух, не е добро подготвено. Пената треба да биде мазна како крем или павлака, што главно зависи од способноста на барменот.

Кафе лате

Се подготвува на сличен начин како и капучино. Разликата е во тоа што наместо на потребната пена на врвот, како во едно капучино, во кафе лате оди само кремасто подготвено загреано млеко без пена. Во италијанските кафулиња најчесто се служи во стаклени чаши, за разлика од капучиното коешто се сервира во порцелански чаши. По желба се украсува со какао на врвот.

Во летните месеци во Италија кафе лате често се прави со ладно млеко, а понекогаш и со ладно кафе. Погрешно е овој напиток да се нарекува само лате, што е честа практика во земјите од англо-саксонското подрачје, бидејќи лате на италијански значи млеко. Не бидете изненадени ако во Италија, келнерот ви донесе чаша млеко кога ќе нарачате лате.

Макијато

Еспресо макијато е со само малку млеко и фина микропена на врвот. Тоа треба да се разликува од капучино, бидејќи се служи во мали филџани како и стандардно еспресо, со тоа што на врвот се додава малку кремасто подготвено млеко. Самиот збор макијато буквално на италијански значи исфлекано. Во слободен превод тоа би значело еспресо со нијанса со млечна пена.